Welcome

أهلا بكم في مدونة الكاتب حمادة كاتروو ... أتمني لكم قضاء وقت ممتع مع قلمي ... الكاتب حمادة كاتروو

السبت، 4 أغسطس، 2012

سلامات أنهضة | حمادة كاتروو


سلامات أنهضة | حمادة كاتروو

الخميس، 5 يوليو، 2012

"كومبارس" ... حكاية صورة تفاصيلها مش واضحة __ بقلمي | حمادة كاتروو

"كومبارس" ... حكاية صورة تفاصيلها مش واضحة __ بقلمي | حمادة كاتروو



  - أحداث كتير حصلت في بلدنا بس مفيش حاجات كتير إتغيرت ، يمكن الحاجة الوحيدة اللي بعتبرها اتحققت إن بقي لينا صوت مسموع ، انا شايف ان دا كل اللي حصل ، تقدروا تقولوا كده رجعت كلمتنا ليها قيمتها و الحمدلله بنحاول علي قد ما نقدر ان الكلمة تصيب و تكون مسموعة ، بإختصار بندور علي كلمة حلوة تتحسب لينا و اهوا ع الاقل بنتكلم و صوتنا مسموع

- بس تفتكروا الكلمة في حد ذاتها عيب ولا حرام ؟ ، كانت حرام قبل كده و الحمدلله اسقطنا النظام و خدنا حقنا و بقينا بنعرف نتكلم ؟ناس كتير هتقول الكلام دا في حد ذاته إنجاز ... و انا معاكوا في كده و خصوصا بعد اللي كنا فيهبس المشكلة ان في ناس كتير بتتكلم في حاجة و تعمل حاجة تانيه خالص زي المثل اللي بيقول " أسمع كلامك أصدقك أشوف أمورك أستعجب " ، اه واللهي و الناس دي امثالها كتيرة جدا جدا جدا من دلوقتي لحد الصبح ، بس في نفس الوقت في ناس بتتكلم و تعمل و دول معدودين علي الإيد

- بمناسبة الكلام بقي طبعا كلنا عارفين " علياء المهدي " ... مش عارف امتي ظهرت علياء المهدي دي ، انا سمعت عنها صدفة و بكل بساطة سمعت عن كل حاجة عملتها و قرأت عنها كتير و لسه لحد دلوقتي بقرأ عنها ... داخل علي سنه كامله بقرأ عنها لحد ما خلتني أكتب الموضوع دا

كل اللي لفت نظري ليها هوا فكرتها في التعبير او قرارها بصفه عامة اللي هوا " التعبير" و بغض النظر عن تصرفها عملت ايه بقي ولا سوت ايه ، فـ دا لا يعنيني في اي شئ لان دا في الاخر يرجعلها هيا مش ليا ، هيا اتصرفت دون اي اعتبار لعاداتنا و تقاليدنا و فكرنا و عرفنا و القانون بتاعنا اللي مصدرة الوحيد الشريعة الاسلامية
قرأت ان في ناس كفرتها ، اللي يقوللها ارجعي لدينك و توبي و اللي يقولها هقتلك زي ما يكون هيقيم عليها الحد و اللي بيتكلم بالطريقة دي برده بيشتم ... طب ازاي ؟؟؟؟ ... ما علينا ، دا كان ردود فعل معارضيها
بس زي ما قرأت رد فعل الناس عليها قرأت برده هيا عملت كده ليه وايه اللي وصلها لـ كده
علياء معبرتش عن رأيها ... علياء انفجرت
يمكن كلنا لو كنا حسينا باللي حصللها والعذاب اللي كانت بتشوفه كل يوم كنا عذرناها و لو حاجة بسيطة و يمكن مكنش كتير كفروها
اذا كان انا اللي عمري ما فرقت بين مسلم و مسيحي ... زي ناس كتير يعني و تقريبا كلنا كده لاننا اهل و اخوات من نحية و متوصلش لحد التكفير من نحيه تانية لانه حرام
هيا حاولت تحمي نفسها و معرفتش ... و حاولت كتير جدا و زيها بنات كتير و طبعا دي حقيقه منقدرش ننكرها
طيب كانت فين عاداتنا و تقاليدنا و القانون لما دا كان بيحصللها
انا لا اعرفها ولا عمري شفتها ... انا سمعت عنها صدفة وربنا و مش بدافع عنها ، انا بس بوضح وجهه نظري في اعجابي بيها لانها عرفت تعبر و تلفت الانظار لمشكلتها و اااااه من دي مشكله ... بزمتكوا حد يعرف يعبر عن مشكلة زي دي ؟
دا رأيي
في بقي ناس كتير هتقول عليها غلطت بس للاسف الرأي دا في حد ذاته غلط و مصيبه لان اللي هيقول كده و شايف الحدوته من نحية واحده بس اللي ممكن تكون الدين او العرف او التقاليد او القانون لان لو شايفها من نحية واحده يبقي هتكون رأي غلط
الرأي الصح لازم يكون شايف الحدوته من كل النواحي و من كل الزوايا
مثلا اللي شايفها من نحية التقاليد او الدين عارضها و قالها هقتلك
امال بقي لما تيجي بنت عندها نفس المصيبه دي و تأيدها عشان شافت فيها بتواجه مشكلتها و بتحاول تقول للناس الحقوني يبقي تأييدها دا حرام ولا غلط ؟؟؟؟؟
تفتكروا لو كانت لقت الحماية من الاول كانت عملت كده ؟؟؟
إجابة مش سهله طبعا
لا القانون و لا التقاليد ولا العرف يسمحوا بـ كده
و في نفس الوقت لا القانون و لا التقاليد ولا العرف جابولها حقها م الاول
طيب تعمل ايه ؟
لا كده نافع ولا كده نافع ... وربنا مانا فاهم حاجة

- تعرفوا ليه احنا الشعب الوحيد اللي بدع في النكت وليه نعتبر احنا اصحاب فن النكت دا؟
علشان احنا الشعب الوحيد اللي بتحصل عندنا المفارقات دي " مستحيييييييييل "
دا اللي خلاني سميت حكاية علياء بالصورة اللي تفاصيلها مش واضحة و مش علياء لوحدها ، لأ .... دا في حاجات كتير زيها
هنروح بعيد ليه ؟؟؟؟ ... اقرب حاجة ثورتنا في مصر و ثورة تونس و غيرنا ، كنا راضيين بالظلم و مش عاجب و لما طالبنا بحقنا برضو مش عاجب ... طيب نعمل ايه؟؟؟ ... قمنا بالثورة و كان لازم نصرخ
كان لازم نقول آآآآآآآآه
كان لازم ننفجر عشان يحسوا بينا و دا اللي حصل مع علياء و مصر كلها عرفت حكايتها
بصراحة نجحت في توصيل رسالتها بغض النظر بقي عن تصرفها و ازاي عبرت عن دا ، المهم انها صرخت و انفجرت ... صرخت ازاي بقي او قالت ايه مش مهم ، المهم انها عرفت تصرخ و الاهم انها عرفت توصل رسالتها للناس
و دا اللي احنا عاوزين نوصلله سواء بقي صرخنا او انفجرنا او قلنا آآآآآآآآآآآآآآه
أيا كان التصرف ... تري ماذا ستكون النتيجة ؟
حتي كلامي دا تعبير عن رأيي ... مش المهم قلت ايه في علياء ، مش مهم مدحتها او وبختها
عارف ان في ناس كتير هتشتم و هتلعن و لو طالت هتمد اديها بس برده في ناس هتأيدني جواها و مش هتقول ... دا في الأخر رأي لا راح ولا جه
المهم اني قلت و اتكلمت
المهم اني مبقاش كومبارس ... مبقاش صورة تفاصيلها غير واضحة ___ بقلمي | حمادة كاتروو

الحباية الزرقه __ بقلمي | حمادة كاتروو

الحباية الزرقه __ بقلمي | حمادة كاتروو

 

لـ الناس اللي بيشككوا ف نزاهة الثورة
لـ فلول الفلول
لـ اللي معندهمش كرامة
لـ اللي بيكرهوا بعض
لـ اللي بيقبضوا ثمن الكلمه
... لـ اللي باعو نفسهم
لـ الخونة و الجواسيس
لـ مبارك و العادلي
لـ علاء و جمال
لـ سوزان
لـ رموز الفساد
المصري لسه جامد و حديد و وقت الثورة كان شديد
و الدليل إنه نجح ف تغيير بلده بدون الحباية الزرقه .
 
 بقلمي | حمادة كاتروو

 

الأن ترفع الستائر __ بقلمي | حمادة كاتروو

الأن ترفع الستائر __ بقلمي | حمادة كاتروو

 

في جو مظلم يسوده الصمت الذي تتخلله بعض الحركات المزعجة . كاد المسرح ان يمتلئ . و نحن في انتظار رفع الستائر عن هذا العمل الذي سيقدم و المفروض انه أول ثمار الديمقراطية . نحن في انتظار الانتقادات التي ستوجه اليه قبل المدح . و لأول مرة نحن من سيحكم ما إذا كان هذا العمل جيد أم ردئ .
سيداتي سادتي . جمهوري الأعزاء لقد حان وقت العرض و الأن ترفع الستائر .

و سؤال الحلقة بيقول : تفتكروا المسرحية دي هتبقي دراما ولا أكشن ولا كوميديا ولا هيغلطوا مره واحده و يعملوا اللي ف مصلحة مصر !

الكاتب / حمادة كاتروو